Conselleiro de Política Territorial tras a destitución de Cuíña
A catástrofe do Prestige precipitou o seu regreso a Galicia por orde da dirección central do PP. Pouco despois de ser nomeado conselleiro sumaría o cargo de vicepresidente primeiro da Xunta. Optou ao liderado do PPdeG tras a perda do Goberno galego e accedeu a el en xaneiro de 2006. En marzo de 2009 encabezou o PPdeG nas eleccións galegas que o levaron á Presidencia da Xunta.

Delegado do Goberno de España en Galicia no momento da catástrofe
Fernández de Mesa foi, xunto a Rajoy, a voz do Goberno de Aznar en Galicia nos primeiros momentos da catástrofe. Negou, como Rajoy, que se fose producir unha marea negra. Seguiu de cerca ao actual presidente do Goberno de España durante os seus anos de oposición e, ao retornar ao poder, nomeouno director da Garda Civil, posto no que permaneceu ata 2016.

Conselleiro de Medio Ambiente no momento da catástrofe
Foi unha das escasas vítimas políticas da xestión do Prestige. No entanto, pouco despois foi recolocado como responsable do padroado do Parque das Illas Atlánticas, posto que ocupou ata 2006. Dende 2009 este enxeñeiro é membro do consello de Administración de ENCE.

Conselleiro de Pesca no momento da catástrofe
Xa era conselleiro de Pesca cando sucedeu a traxedia do Mar Exeo na Coruña, en 1992. Foi dos primeiros en admitir que habería unha marea negra e cargou con dureza en múltiples ocasións contra PSdeG e BNG e mais contra a plataforma Nunca Máis polas súas críticas á xestión do acontecido. Optou sen éxito ao liderado do PPdeG para remudar a Fraga. Foi senador por designación do Parlamento galego e actualmente preside a Autoridade Portuaria de Vigo.

Ministro de Defensa no momento da catástrofe
Asegurou que barallara a posibilidade de bombardear o petroleiro e, pouco despois do afundimento, defendeu que as praias galegas ficaran "esplendorosas" grazas ao labor do Goberno.

Ministro de Fomento no momento da catástrofe
Xustificou todas as decisións tomadas sobre o buque ata o naufraxio. Reafirmouno na súa comparecencia no xuízo polo naufraxio, onde asegurou que os danos provocados polo Prestige foron "inevitables".

Alcalde da Coruña no momento da catástrofe
Foi o único cargo relevante do PSOE que fuxiu da crítica á xestión por parte do Goberno do PP tanto en Galicia como en España. Acolleu na casa consistorial coruñesa o Consello de Ministros no que o Executivo de Aznar aprobou o Plan Galicia.

Ministro de Medio Ambiente no momento da catástrofe
Deixou o Goberno de España para ser candidato ás eleccións autonómicas das Illes Balears de 2003, que gañou á fronte do PP. Foi presidente do arquipélago ata 2003. Posteriormente viuse envolto en varios escándalos de corrupción que o levaron ao cárcere e polos que continúa inmerso en procesos xudiciais.

Director xeral da Mariña Mercante no momento da catástrofe
Foi un dos cargos do Goberno de España máis relacionados co rumbo errático do Prestige fronte á costa galega dende que comezaron os seus problemas ata que partiu e afundiu. No xuízo polo naufraxio defendeu a súa xestión.

Presidente do Goberno de España no momento da catástrofe
A súa ausencia en Galicia nas semanas posteriores ao naufraxio fora fortemente criticada, así como a súa visita á torre de control marítimo da Coruña entre fortes protestas. Organizou un Consello de Ministros na casa do Concello coruñés para aprobar o Plan Galicia. Tras abandonar o Goberno de España púxose á fronte da conservadora Fundación FAES e ocupa cargos en diversas empresas. Foi presidente de honra do PP ata finais de 2016.

Presidente da Xunta no momento da catástrofe
Fraga era presidente no momento do naufraxio, que causou unha das máis fondas crises no seo do seu Goberno e do PPdeG, que lideraba. Perdeu o poder na Xunta tras as eleccións galegas de xuño de 2005, adiantadas por vontade da dirección central do PP. En 2006 foi remudado por Feijóo á fronte do PPdeG e foi senador por designación autonómica ata 2011. Faleceu en xaneiro de 2012.

Vicepresidente do Goberno de España no momento da catástrofe
José María Aznar enviouno a Galicia para encabezar a representación do Goberno de España tras o naufraxio, con múltiplas comparecencias públicas ante os medios de comunicación. Apenas un ano despois da catástrofe Aznar elixiuno como sucesor á fronte do PP e candidato ás eleccións de 2004, nas que perdeu fronte ao PSOE de José Luis Rodríguez Zapatero. Tras sete anos como líder do PP, chegou á presidencia do Goberno español tras as eleccións de novembro de 2011.

Ministro de Pesca no momento da catástrofe
Nas horas posteriores ao inicio dos problemas para o petroleiro defendeu a decisión de afastalo da costa e asegurou que non habería que temer a catástrofe que posteriormente sucedeu. Rajoy incorporouno á dirección do PP tras acceder ao seu liderado e volveuno nomear ministro en 2011. Foi candidato do PP ás eleccións europeas de 2014, tras as que foi nomeado comisario de Acción polo Clima.

Comisionado para a catástrofe do Prestige
O ex-ministro franquista foi elixido por Aznar para concentrar as accións do seu Goberno en Galicia vinculadas ao naufraxio.

Conselleiro de Política Territorial no momento da catástrofe
 Foi destituído tras a crise do Prestige e substituído por Alberto Núñez Feijóo, con quen competiu polo liderado do PPdeG. Faleceu o 27 de decembro de 2007.